«АЛЛАТРА» Вашингтонда бўлиб ўтган Faith & Freedom Coalition тадбирида иштирок этиб, эътиқод эркинлиги ва инсон ҳуқуқлари бузилиши масалаларини кўтарди

Пола Уайт-Кейн — махсус ҳукумат ходими, Оқ Уйнинг диний масалалар бўйича Офисида катта маслаҳатчи; Дженни С. Корн — президент ёрдамчисининг ўринбосари, Оқ Уйдаги диний масалалар бўйича директор; Майк Джонсон — АҚШ Вакиллар палатаси Спикери; Талий Шкурупий — «АЛЛАТРА» Халқаро ижтимоий ҳаракатининг глобал тизимлар ва илмий тадқиқотлар бўйича таҳлилчиси; Ольга Шмидт — «Бунёдкор жамият» лойиҳасининг Президенти; Доктор Эльведа Кинг — Қонунчилик Ассамблеясининг собиқ аъзоси, жамоат арбоби; Валерия Смиян — «АЛЛАТРА» Халқаро ижтимоий ҳаракатининг коммуникация, ҳамкорлик ва тадбирлар бўлими раҳбари; Сенатор Тед Круз — Faith and Freedom Coalition конференциясида 

Вашингтон, Колумбия округи — «АЛЛАТРА» Халқаро ижтимоий ҳаракати ва «Бунёдкор жамият» лойиҳаси вакиллари 2025 йилнинг 26-28 июнь кунлари Вашингтонда бўлиб ўтган Faith & Freedom коалицияси ташаббуси билан ўтказилган анъанавий халқаро конференцияда иштирок этдилар. Тадбир Конгресс аъзоларини, дин пешволарини, таниқли олимларни ва фуқаролик жамияти вакилларини, замонавий жамиятда эътиқод, эркинлик ва демократиянинг ўрни ҳақида мазмунли мулоқот қилиш учун тўплади. Конференциянинг асосий мавзуларидан бири — АҚШ Конституциясининг Биринчи тузатишида мустаҳкамланган, ва халқаро ҳуқуқ меъёрлари билан тан олинган эътиқод эркинлигини ҳимоя қилиш ва тарғиб қилиш масаласи бўлди.

Сўзга чиққанлар орасида АҚШ Вакиллар палатаси спикери Майк Джонсон; сенаторлар Линдси Грэм, Эрик Шмитт ва Тед Круз; Конгресс аъзолари Лиза Макклейн, Ли Зелдин, Брайан Джек, Марк Харрис, Барри Лаудермилк ҳамда Вакиллар палатасидаги кўпчиликлар фракцияси координатори Том Эммер; Исроил элчиси Йехиэль Лейтер; пастор Марк Бёрнс; доктор Эльведа Кинг; Faith & Freedom коалициясининг асосчиси ва раиси Ральф Рид; коалициянинг бош директори Мэри Томас ҳамда бошқа таниқли раҳбарлар иштирок этдилар. Конференцияда Оқ Уйдаги Диний масалалар бўйича Офис вакиллари — Дженни Корн ва Пол Уайт ҳам катта эҳтиром билан қарши олинди. Тадбир доирасида Президент Дональд Трампнинг махсус видеомурожаати ҳам намойиш этилди.

АҚШ Вакиллар палатаси аъзоси Брайан Джек; АҚШ Вакиллар палатаси аъзоси Лиза Макклейн; АҚШ сенатори Тед Круз, Faith and Freedom коалициясининг асосчиси ва раиси Ральф Рид; АҚШ Вакиллар палатаси аъзоси Марк Харрис; «АЛЛАТРА» Харакатининг коммуникациялар, ҳамкорлик ва тадбирлар бўлими раҳбари Валерия Смиян; «Бунёдкор жамият» лойиҳаси президенти Ольга Шмидт ва «АЛЛАТРА» Харакатининг глобал тизимлар ва илмий тадқиқотлар бўйича таҳлилчиси Талий Шкурупий — Faith and Freedom Coalition конференциясида

Конференция доирасида «АЛЛАТРА» Халқаро ижтимоий ҳаракати ва «Бунёдкор жамият» лойиҳаси вакиллари бир қатор жамоат арбоблари ва диний раҳбарлар билан учрашувлар ўтказдилар. Учрашувлар давомида эътиқод эркинлигини ҳимоя қилиш, динлараро мулоқотни ривожлантириш ҳамда фуқароларнинг эркинликларига ва демократик институтларга таҳдид солаётган хавфлар ҳақида хабардорликни ошириш масалалари муҳокама қилинди.

«АЛЛАТРА» вакиллари пастор Марк Бёрнс билан ҳам мазмунли суҳбат ўтказдилар. Суҳбат давомида диний эркинликни глобал даражада ҳимоя қилиш ҳамда эътиқод ва сўз эркинлигига бўлган умуминсоний ҳуқуқни таъминлаш масалалари муҳокама қилинди. Хусусан, ушбу эркинликларни чекловчи, демократик тамойилларни ва инсон ҳуқуқларини поймол этувчи тузилмалар томонидан амалга оширилаётган ҳуқуқбузарликларга алоҳида тўхталиб ўтилди.

Суҳбат давомида асосий эътибор Россия динлар ва секталарни ўрганиш марказлари ассоциацияси (РАЦИРС) фаолиятига қаратилди. Бу  ташкилот ўзининг «антикульт» қарашларини тарғиб қилиши билан танилган. РАЦИРС демократияни ҳамда инсон ҳуқуқларини ва эркинликларини ҳимоя қилувчи диний ва фуқаролик уюшмаларни, шу жумладан «АЛЛАТРА» каби нодавлат ташкилотларни обрўсизлантиришга ва бостиришга қаратилган фаолият олиб боради. Ҳаракат вакиллари РАЦИРС томонидан қўлланиладиган усуллар борасида жиддий хавотир билдирдилар — қадриятлари ва фаолияти ушбу тузилма мафкурасига тўғри келмайдиган ташкилотларни ва шахсларни таъқиб қилиш, ғайриинсонийлаштириш ҳамда уларга қарши нафрат кампанияларини уюштириш шулар жумласидан.

«АЛЛАТРА» ҳаракатининг ўзи  РАЦИРС ва унга алоқадор тузилмалар томонидан олиб борилган узоқ муддатли дискредитация ва дегуманизация кампанияси туфайли Россия Федерацияси ҳудудида «экстремистик» ташкилот деб тан олинган. Делегатлар, шунингдек, дунё бўйлаб РАЦИРСнинг таъсири ортиб бораётгани борасида хавотир билдириб, ушбу ташкилот билан боғлиқ тузилмалар бир қатор Европа мамлакатларида ва Украина ҳудудида ҳам фаолият юритаётганини қайд этдилар.

Мунозаралар давомида РАЦИРС томонидан илгари сурилаётган «антикульт» риториканинг тарқалиши, ҳамда унинг АҚШга ва бутун дунёдаги фуқаролик жамиятига кўрсатаётган ҳалокатли таъсири мавзуси ҳам алоҳида муҳокама қилинди.

Пастор Марк Бёрнс, «АЛЛАТРА» Харакатининг коммуникациялар, ҳамкорлик ва тадбирлар бўлими раҳбари Валерия Смиян; «Бунёдкор жамият» лойиҳаси президенти Ольга Шмидт — Faith and Freedom Coalition конференциясида

Ушбу масалалар юзасидан фикр алмашиш доирасида «АЛЛАТРА» Ҳаракатининг коммуникациялар, ҳамкорлик ва тадбирлар бўлими раҳбари Валерия Смиян епископ Келвин Л. Кобарис билан антикульт тармоқлар, шу жумладан РАЦИРСга алоқадор тузилмалар томонидан содир этилаётган диний таъқиблар мавзусини муҳокама қилди. Мавжуд маълумотларга кўра, ушбу тармоқлар бутун дунё бўйлаб турли насроний йўналиш вакилларини — шу жумладан, пентекосталистлар, баптистлар, евангелистлар ва бошқа диний жамоа аъзоларини нишонга олган.

Епископ Келвин Л. Кобарис ва «АЛЛАТРА» Ҳаракатининг коммуникациялар, ҳамкорлик ва тадбирлар бўлими раҳбари Валерия Смиян — Faith and Freedom Coalition конференциясида

Дин эркинлиги мавзусида мулоқотни давом эттирар экан, «АЛЛАТРА» ҳаракати вакиллари пастор Лоренцо Сьюэлл билан мазмунли суҳбат ўтказдилар. Суҳбат давомида турли дин ва эътиқод вакиллари ўртасида ўзаро тушунишни таъминлаш ҳамда бутун дунёда эътиқод эркинлигини ҳимоя қилиш демократиянинг асосий таянчи экани таъкидлаб ўтилди.

Пастор Лоренцо Сьюэлл, сиёсий маслаҳатчи Криста Льюи-Сеперо, «АЛЛАТРА» Харакатининг коммуникациялар, ҳамкорлик ва тадбирлар бўлими раҳбари Валерия Смиян; «Бунёдкор жамият» лойиҳаси президенти Ольга Шмидт — Faith and Freedom Coalition конференциясида

Давом этаётган мулоқот доирасида Валерия Смиян Young Jewish Conservatives ташкилотининг вице-президенти билан учрашди ва антисемитизм ва барча турдаги диний ва этник  камситишларга қарши самарали ҳимоянинг аҳамияти ва зарурияти ҳақида фикр алмашди.

Бундан ташқари, «АЛЛАТРА» иштирокчилари инсон ҳуқуқларини ҳимоя қиладиган бир қатор ташкилот вакиллари билан учрашувлар ўтказдилар. Музокараларда асосан эътиқод эркинлигини таъминлаш ҳамда динлараро мулоқотни ривожлантириш каби умумий мақсадлар муҳокама қилинди. Улар диний эркинлик, инсон ҳуқуқлари ҳамда демократик тамойиллар ўртасида узвий боғлиқлик борлигини қайд этишди.

Конференция давомида «АЛЛАТРА» вакиллари ҳам бир қатор оммавий ахборот воситаларига интервьюлар беришди.

Валерия Смиян The Epoch Times нашрига берган интервьюсида «Нанопластик биосферада: молекуляр таъсирдан умумсайёравий инқирозгача» номли «АЛЛАТРА» ҳаракатининг таҳлилий ҳисоботига таяниб, микро- ва нанопластикнинг глобал экологик таҳдиди ҳақида маълумот берди. Мазкур ҳисобот Боливиядаги Сан-Пабло номли Католик университети ҳамда Хуан Мисаэль Сарачо номидаги Автоном университети билан ҳамкорликда ишлаб чиқилган бўлиб, ушбу олийгоҳлар эксперт баҳолаш жараёнида институционал ҳамкор сифатида қатнашдилар. Ҳисоботни тайёрлаш жараёнида «Бунёдкор жамият» халқаро лойиҳаси ҳам ўз ҳиссасини қўшди. 2025 йилнинг май ойида ҳисобот Ватиканга етказилди ва шахсан Давлат котиби кардинал Пьетро Паролинега топширилди. Шундан сўнг, Ҳазрати Папа Лев XIV Овцинова хонимга, унинг яқинларига ва барча «АЛЛАТРА» ҳаракати кўнгиллиларига Ҳаворийлик фотиҳасини йўллади. Ўз навбатида, ушбу ҳисоботни яратилишига 2024 йил Ҳазрати Папа Франциск томонидан «АЛЛАТРА» ҳаракатига берилган Ҳаворийлик фотиҳаси туртки бўлган. Ҳисобот микро- ва нанопластикнинг биосферага ҳамда инсон саломатлигига кўрсатаётган ҳалокатли таъсирини экологик, иқлимий, тиббий, физик ва кимёвий жиҳатларини ўз ичига олган кенг кўламли фанлараро таҳлил натижаси.

Валерия Смиян — коммуникациялар, ҳамкорлик ва тадбирлар бўлими раҳбари, ҳамда Талий Шкурупий — «АЛЛАТРА» Халқаро ижтимоий ҳаракатининг глобал тизимлар ва илмий тадқиқотлар бўйича таҳлилчиси The Epoch Times ва NTD News нашрларига интервью бердилар

NTD News телеканалига берган интервьюсида Валерия Смиян ва Талий Шкурупий («АЛЛАТРА» Халқаро ижтимоий ҳаракатининг глобал тизимлар ва илмий тадқиқотлар бўйича таҳлилчиси) халқаро даражада эътиқод эркинлиги бузилаётгани, демократик қадриятлар эса емирилиб бораётгани борасида хавотир билдиришди. Улар Россиянинг РАЦИРС ташкилоти президенти Александр Дворкин каби шахслар фаолиятига эътибор қаратдилар. Ушбу шахснинг фаолияти эътиқод эркинлигига ва демократик тамойилларга путур етказаётгани учун олимлар ва фуқаролик жамияти вакиллари томонидан танқидга учраган.

Талий Шкурупий The Epoch Times ва NTD News каналларига берган алоҳида интервьюларида Александр Дворкин ҳамда халқаро антикульт тармоғининг таъсир кўламига алоҳида тўхталиб ўтди. Унинг таъкидлашича, ушбу тармоқ муросасизликни тарғиб қилиб, «Фалуньгун» каби гуруҳларга ҳамда бошқа ташкилотларга қарши таъқиб кампанияларини уюштиряпди. Бу эса эркинлик ва демократия учун жиддий хавф туғдиради. Шкурупийнинг фикрига кўра, жамиятни «ҳимоя қилиш» ниқоби остида амалга оширилаётган бундай ҳаракатлар аслида инсон ҳуқуқларини поймол қилишга ҳамда диний ҳаракатлар ва фуқаролик жамияти ташкилотларига нисбатан камситишни кучайтиришга хизмат қилади.

«АЛЛАТРА» ҳаракати вакиллари воқеалардан хабардор бўлиш ҳамда инсон қадр-қиммати, эркинлиги ва ахлоқий масъулияти масалалари бўйича глобал мулоқотда иштирок этиш учун — маърифий ва информацион мақсадларда, ҳаракат миссиясига буткул риоя этган ҳолда ушбу тадбирда қатнашдилар.

«АЛЛАТРА»  Халқаро ижтимоий  ҳаракати ҳақида 

«АЛЛАТРА» Халқаро ижтимоий ҳаракати  — бу геодинамика ва экологик муаммолар соҳасида кенг кўламли тадқиқотлар олиб борадиган мустақил кўнгилли ташкилот. «АЛЛАТРА» табиий офатларни ўрганишдаги фанлараро ёндашуви, халқаро илмий ҳамкорликни фаол рағбатлантириши ҳамда инсон ҳуқуқларини ва фундаментал эркинликларини ҳимоя қилиши билан танилган.

Атроф-муҳитни ҳимоя қилишга ва уни асраб-авайлашга қўшган ҳиссасини эътироф этган ҳолда, 2025 йил Ҳазрати Папа Лев XIV, 2024 йил эса Ҳазрати Папа Франциск «АЛЛАТРА» Ҳаракатига ўзларининг Ҳаворийлик фотиҳаларини йўллади.

«Бунёдкор жамият» лойиҳаси ҳақида

«Бунёдкор жамият» лойиҳасининг асосий миссияси —бутун дунё бўйлаб содир бўлаётган табиий офатларга жаҳон ҳамжамиятининг эътиборини  жалб қилиш, уларнинг сабабларини ўрганиш ва ечимларни топиш. Лойиҳанинг мақсади — инсон ҳаётини ҳимоя қилиш, халқаро инсон ҳуқуқларига риоя этиш ва яқин келажакда кўй берадиган фалокатларни олдини олиш мақсадида олимлар ўртасида халқаро ҳамкорликни йўлга қўйиш учун шароит яратиш.

Нашр этилди: Fox 8, Fox 16, NBC 3, NBC 4, CBS 3, CBS 11, ABC 8, ABC 27, Benzinga, Asossiated Press

Матбуот масалалари бўйича биз билан қўйидаги почта орқали боғланинг [email protected]