«АЛЛАТРА» Ҳаракати Папа Лев XIV Ҳазратларининг фотиҳаси учун миннатдорлик билдиради. Глобал ҳамкорликнинг янги босқичи
Папа Лев XIV Ҳазратларининг Ҳаворийлик фотиҳаси
ВАТИКАН — 4 июль 2025 йил — «АЛЛАТРА» Халқаро ижтимоий ҳаракати катта шараф билан Рим Папаси Лев XIV Ҳазратлари Ҳаворийлик фотиҳасини инъом этгани ва бу билан Ҳаракат президенти Марина Овциновани ва барча кўнгиллиларни ҳаракатнинг эзгу миссияси доирасида янада фидокорона меҳнат қилишга илҳомлантирганини маълум қилади.
Ушбу муҳим воқеа 2025 йилнинг май ойида «АЛЛАТРА» Халқаро Ижтимоий Ҳаракати президенти Марина Овцинова АҚШда рўйхатдан ўтган федерал лоббист ҳамда ҳаракат вакили доктор Эгон Чолакян билан Ватиканга амалга оширган ташрифларидан сўнг содир бўлди. Ушбу ташриф доирасида Муқаддас Тахт вакиллари билан замонамизнинг глобал муаммолари юзасидан мазмунли муҳокамалар бўлиб ўтди.
Папа Лев XIV Ҳазратлари номидан йўлланган мактубда глобал муаммоларни енгиб ўтиш учун одамларнинг бирлашиши муҳим аҳамиятга эга экани таъкидланган. Мактубда шундай дейилган: «Биз барчамиз яшаб келаётган умумий муҳитни асраш — барча одамларнинг бирлашган саъй-ҳаракатларини талаб этади».
«Папа Лев XIV Ҳазратлари Авлиё Петр тахтига сайлангани муносабати билан йўллаган самимий табрикларингиз ва эзгу тилакларингиз учун чин қалбдан миннатдорлик билдирди, ҳамда сиз ҳадя қилган бир нечта нашрларни эҳтиром билан қабул қилди.
Сизни ушбу эзгу ишларга илҳомлантирган ҳақиқий руҳий бирдамлик туйғуларингизни юксак қадрлаган Папа Ҳазратлари, оталик муҳаббати билан сизни ўз дуоларида эслаб ўтишини таъкидлаб, шундай деди: «биз барчамиз яшаб келаётган умумий уйимизни ҳимоя қилиш учун бутун инсониятни барқарорлик ва тараққиёт йўлида бирлашишга чақирамиз […]. Яратган Зот ҳеч қачон бизни ёлғиз қолдирмайди; У ўзининг севгига тўла режасидан воз кечмайди ва бизни яратганидан афсусланмайди. Инсоният ҳали ҳам умумий уйимиз бўлган Ерни биргаликда барпо этиш йўлида ҳамкорлик қилиш имкониятига эга» (Laudato Si’, 13).
Ушбу тилаклар билан Папа Ҳазратлари Черков Онаси Муқаддас Биби Мариамдан ҳимоя сўраб, сизга яқин бўлган барча одамларга Ҳаворийлик фотиҳасини инъом этади.
Илтимос, менинг чуқур эҳтиромим ва Роббимиздаги энг самимий тилакларимни қабул қилинг».
Сўнгги ташрифи давомида Марина Овцинова ва доктор А. Эгон Чолакян «АЛЛАТРА» халқаро Ижтимоий Ҳаракати ва Ватикан ўртасидаги муносабатларни янада мустаҳкамлашга қаратилган юқори даражадаги музокараларда иштирок этдилар. «АЛЛАТРА» халқаро ижтимоий ҳаракати Президенти Марина Овцинова ҳаракатнинг «Нанопластик биосферада. Молекуляр таъсирдан умумсайёравий инқирозгача» номли сўнгги ҳисоботини шахсан Ватикан идорасига ва Ватикан Давлат котиби кардинал Пьетро Паролинега топширди.
Ватикан Давлат котиби Кардинал Пьетро Паролине ва «АЛЛАТРА» ҳаракати Президенти Марина Овцинова, 16 май, 2025
Ушбу қадам 2024 йил Папа Францискнинг фотиҳасидан илҳомланган «АЛЛАТРА» ҳаракатининг Ердаги ҳаётни ҳимоя қилиш йўлида намоён қилаётган қатъий садоқатини яна бир бор тасдиқлади. «АЛЛАТРА» табиий офатларни ўрганиш ва жаҳон миқёсида илмий ҳамкорликни кенгайтириш бўйича ўзининг халқаро даражадаги фаолиятини давом эттиряпди.
Папа Франциск ва ХИҲ «АЛЛАТРА» Президенти Марина Овцинова. Ватикан, июнь 2024 йил. Сурат: © Vatican Media
Папа Лео XIV Ҳазратларининг фотиҳасига жавобан, Марина Овцинова шундай деди: «Бутун “АЛЛАТРА” халқаро ижтимоий ҳаракати номидан Папа Ҳазратларининг фотиҳасини миннатдорчилик билан қабул қиламиз ва етказамиз. Ушбу эътироф бутун дунёдаги барча иштирокчиларимиз учун катта аҳамиятга эга. Ватиканнинг инсоният ва сайёрамизга бўлган самимий ғамхўрлиги бизнинг миссиямиз билан жуда ҳамоҳанг, айниқса табиий офатлар ва нанопластик билан ифлосланиш каби глобал таҳдидлар устида олиб бораётган ишларимизни инобатга оладиган бўлсак».
«АЛЛАТРА» Халқаро ижтимоий ҳаракати ҳақида
«АЛЛАТРА» Халқаро ижтимоий ҳаракати — бу геодинамика ва атроф-муҳитни трансформация қилиш соҳасида кенг кўламли тадқиқотлар олиб борадиган мустақил кўнгилли ташкилот. «АЛЛАТРА» ҳаракати табиий офатларни ўрганишдаги фанлараро ёндашуви, халқаро илмий ҳамкорликни фаол рағбатлантириши ҳамда инсон ҳуқуқларини ва фундаментал эркинликларини ҳимоя қилиши билан танилган.
Нашр этилди: FOX 40, FOX 8, Associated Press, US National Times, ABC 8, ABC 33, NBC 4, NBC 2, CBS 3, DC NEWS NOW
Матбуот масалалари бўйича биз билан қўйидаги почта орқали боғланинг [email protected]