«ALLATRA» xeyir-duaya görə Zati-Müqəddəsləri Roma Papası XIV Levə minnətdarlığını bildirir. Qlobal əməkdaşlığın yeni mərhələsi

Zati-Müqəddəsləri Roma Papası XIV Levin Həvari xeyir-duası

VATİKAN — 4 iyul 2025-ci il — «ALLATRA» bildirməkdən şərəf duyur ki, Zati-Müqəddəsləri Roma Papası XIV Lev Həvari xeyir-duasını bəxş edərək, bununla da ALLATRA-nın prezidenti Marina Ovtcinovanı və bütün könüllüləri hərəkatın missiyası çərçivəsində gələcək fədakar fəaliyyətə ilhamlandırmışdır. 

Bu əlamətdar hadisə ALLATRA-nın prezidenti xanım Marina Ovtcinovanın və ABŞ-da qeydiyyatdan keçmiş federal lobbiçi və ALLATRA-nın nümayəndəsi olan doktor Eqon Çolakyanın 2025-ci ilin may ayında Vatikana səfərindən, bu səfər zamanı Müqəddəs Taxt-Tacın nümayəndələri ilə müasir dövrün qlobal çağırışları barədə məzmunlu müzakirələrin baş tutmasından sonra baş vermişdir. 

Zati-Müqəddəsləri Roma Papası XIV Levin adından yazılmış məktubda qlobal çağırışların öhdəsindən gəlinməsində insanların birləşməsinin əsas rolu vurğulanır. Orada deyilir: «Ümumi yaşayış mühitimizin qorunması bütün insanların birgə səylərini tələb edir».

«Zati-Müqəddəsləri Roma Papası XIV Lev Pyotr Taxt-Tacına seçilməsi münasibətilə göndərdiyiniz səmimi təbrikləri və xoş arzuları dərin minnətdarlıqla qəbul etdi, həmçinin sizin tərəfinizdən hazırlanmış bir neçə nəşr şəklində olan hədiyyəni rəğbətlə qarşıladı.

Sizi bu jestə ilhamlandıran səmimi mənəvi birlik hisslərini yüksək qiymətləndirərək, Müqəddəs Ata ümumi evimizin qorunması üçün təxirəsalınmaz çağırışın dayanıqlı və hərtərəfli inkişaf axtarışında bütün bəşər ailəsinin birləşməsi istəyində olduğunu qeyd edərək, ata qayğısı ilə sizi dualarında yad edəcəyinə əmin edir [...]. Yaradan bizi tərk etmir; O, heç vaxt Öz sevgi dolu niyyətindən imtina etmir və bizi yaratdığına görə peşman olmur. Bəşəriyyətin ümumi evimizin yaradılması üçün birlikdə fəaliyyət göstərmək imkanı hələ də var” (Laudato Si’, 13).

Bu arzularla Papa, Kilsənin Anası olan Müqəddəs Məryəm Ananın səmavi şəfaətinə çağırır və bütün yaxınlarınıza ürəkdən Həvari xeyir-duasını bəxş edir.

Mənim ən dərin ehtiramımı və Rəbbdə ən xoş arzularımı qəbul edin».

Son səfər zamanı Marina Ovtcinova və doktor A. Eqon Çolakyan yüksək səviyyəli danışıqlarda iştirak etdilər ki, bu da «ALLATRA» və Vatikan arasındakı münasibətləri daha da möhkəmləndirdi. «ALLATRA» Prezidenti Marina Ovtcinova hərəkatın sonuncu məruzəsini: «Biosferdə nanoplastik. Molekulyar təsirdən planetar böhrana qədər» sənədini Vatikan dəftərxanasına və Vatikanın Dövlət Katibi kardinal Pyetro Parolinə şəxsən təqdim etdi.

Vatikanın Dövlət Katibi kardinal Pyetro Parolin və «ALLATRA» Prezidenti Marina Ovtcinova, 16 may 2025-ci il

Bu jest, 2024-cü ildə Roma Papası Fransiskdən alınan xeyir-duadan ilhamlanaraq, «ALLATRA» Yer üzündə həyatın qorunması işinə sarsılmaz sadiqliyini təsdiq etdi. «ALLATRA» təbii fəlakətlərin öyrənilməsi və qlobal elmi əməkdaşlığın təşviqi üzrə beynəlxalq miqyasda tanınmış fəaliyyətini davam etdirir.

Roma Papası Fransisk və ALLATRA-nın Prezidenti Marina Ovtcinova.Vatikan, iyun 2024-cü il. Foto: © Vatican Media

Zati-Müqəddəsləri Roma Papası XIV Levin xeyir-duasına cavab olaraq Marina Ovtcinova bildirdi: «Bütün “ALLATRA” adından biz Müqəddəs Atanın xeyir-duasını minnətdarlıqla qəbul edir və çatdırırıq. Bu tanınma bütün dünyadakı iştirakçılarımız üçün çox böyük əhəmiyyət kəsb edir. Vatikanın bəşəriyyətə və planetə olan səmimi qayğısı, xüsusən də təbii fəlakətlər və nanoplastiklə çirklənmə kimi qlobal təhdidlərlə bağlı fəaliyyətimiz işığında, bizim missiyamızla dərindən səsləşir.»

«ALLATRA» haqqında

"ALLATRA" — ABŞ-da tədqiqat mərkəzinə ("ALLATRA" Qlobal Tədqiqat Mərkəzi) malik olan, iqlim və ekoloji dəyişikliklərin kompleks təhlili, mikro və nanoplastiklərin təsirinin öyrənilməsi, eləcə də mədəniyyətlərarası əməkdaşlığın və əsas insan hüquq və azadlıqlarının müdafiəsinin təşviqi ilə məşğul olan beynəlxalq təşkilatdır.

Ətraf mühitin və bütün yaradılışın qorunması işinə sadiqliyinin etirafı olaraq, 2024-cü ildə "ALLATRA" Zati-Müqəddəsləri Roma Papası Fransiskin həvari xeyir-duasına layiq görülmüşdür.

Mətbuat sorğuları üçün zəhmət olmasa [email protected] ünvanı vasitəsilə bizimlə əlaqə saxlayın.