«АЛЛАТРА Италия» Миланда «La Comunicazione Creativa per lo sviluppo socio-umanitario» китобининг расмий тақдимотида иштирок этди

2026 йил 13 июль куни «АЛЛАТРА Италия» вакиллари Бьяджо Маймоненинг «La Comunicazione Creativa per lo sviluppo socio-umanitario» китобининг («Ижтимоий-гуманитар ривожланиш учун бунёдкор коммуникация») расмий тақдимотида иштирок этди. Тадбир Миланда, Palazzo Lombardia биносидаги Sala Valeria Solesin залида бўлиб ўтди.

Суратда ўнгдан чапга: Стефано Масулло — Швейцариядаги ISFOA Олий ижтимоий фанлар ва менежмент мактабининг Муҳтарам ректори; Набил Бугареч — «АЛЛАТРА» Глобал тадқиқот маркази вакили; Бьяджо Маймоне — «Ижтимоий-гуманитар ривожланиш учун бунёдкор коммуникация» китоби муаллифи; Эктор Вильянуэва — «Халқлар, маданиятлар ва ҳамжиҳатлик кўргазмаси» (EXPO dei Popoli, delle Culture e della Solidarietà) лойиҳасининг бош директори ва асосчиси, «Милан — бу биз» (Milano Siamo Noi) лойиҳасининг асосчиси ва ташаббускори, Европа федерацияси (Federazione Eurandina) вице-президенти; Роберто Сальвини — Canale Europa TV телеканали ва Europa News кундалик газетаси директори; Марчелло Гуадалупи — Милан тижоратчилари жамғармаси президенти

Тадбир Regione Lombardia билан ҳамкорликда, Европа комиссияси ҳомийлигида ва UNAR — Италия Вазирлар Кенгаши ҳузуридаги Ирқий камситишга қарши курашиш миллий бошқармаси эътирофи билан ўтказилди.

Суратда: Бьяджо Маймоне — «Ижтимоий-гуманитар ривожланиш учун бунёдкор коммуникация» китоби муаллифи, Fondazione Bambino Gesù del Cairo жамғармасининг коммуникациялар бўйича директори

Китоб муаллифи Бьяджо Маймоне — Италиядаги Бутунжаҳон диний туризм тармоғи координатори, Рим Папаси Францискнинг собиқ шахсий котиби, монсеньор Йоаннис Лахзи Гаид раҳбарлик қиладиган Fondazione Bambino Gesù del Cairo жамғармасининг коммуникациялар бўйича директори. У ўз китобини «сўз педагогикаси»ни ривожлантиришга қаратилган маданий-маърифий ташаббус сифатида тақдим этди. Бу ёндашувда мулоқот инсон ва жамият тараққиётига хизмат қилувчи восита сифатида қаралади.

Муаллиф сиёсатда, оммавий ахборот воситаларида ва рақамли муҳитда тажовузкор ҳамда бузғунчи коммуникация кенг ёйилишига қарши туриш зарурлигини таъкидлаб, оммавий нутқ маданияти жамият ҳаёти сифатига, айниқса ёш авлодга бевосита таъсир кўрсатишини алоҳида қайд этди.

Учрашув мулоқот, тинчлик ва ўзаро ҳурмат тамойилларига асосланган масъулиятли мулоқот маданиятини тарғиб этишга қаратилган «La Parola è Vita» («Сўз — ҳаёт») миллий маърифий сафари доирасида бўлиб ўтди.

Тадбирда давлат ва ҳудудий ҳокимият органлари, муниципал муассасалар, илмий ва университет ҳамжамияти, халқаро ташкилотлар, маданий ва жамоат институтлари вакиллари, шунингдек, коммуникация, гуманитар ривожланиш ва экологик хавфсизлик соҳаларидаги экспертлар иштирок этдилар.

Тадбирнинг таклиф этилган маърузачилари қаторида ҳудудий ва муниципал ҳокимият органлари, давлат тузилмалари, илмий ва маданий ҳамжамият вакиллари сўзга чиқдилар, улар орасида:

Раффаэле Каттанео — Regione Lombardia Президентлиги ҳузуридаги халқаро ва европа муносабатлари бўйича котиб ўринбосари;

Марчелла Пануччи — Италия Университетлар ва тадқиқотлар вазири Анна Мария Бернинининг маслаҳатчиси;

Маттиа Перадотто — Италия Вазирлар Кенгаши ҳузуридаги Ирқий камситишга қарши курашиш миллий бошқармаси (UNAR) координатори ва директори, тадбирда видеомурожаат билан иштирок этган;

Эктор Вильянуэва — EXPO dei Popoli, delle Culture e della Solidarietà лойиҳаси бош директори ва асосчиси;

Алиса Ариента — Милан шаҳар кенгаши аъзоси, мэр Джузеппе Сала вакили;

Диана Де Марки — Città Metropolitana di Milano делегати маслаҳатчиси;

Анна Мария Фолькини Стабиле — TraccePerLaMeta маданий уюшмаси президенти;

Набил Бугареч — «АЛЛАТРА» Глобал тадқиқот маркази вакили;

Мария Маймоне — коммуникация файласуфи;

Марчелло Гуадалупи — Fondazione Commercialisti di Milano президенти;

Стефано Масулло — Швейцариядаги ISFOA Олий ижтимоий фанлар ва менежмент мактаби ректори.

Учрашувга Canale Europa TV телеканали ва Europa News кундалик газетаси директори, журналист Роберто Сальвини модераторлик қилди.

Суратда: Раффаэле Каттанео — Regione Lombardia Президентлиги ҳузуридаги халқаро ва европа муносабатлари бўйича котиб ўринбосари

Regione Lombardia  Президентлиги ҳузуридаги халқаро ва европа муносабатлари бўйича котиб ўринбосари Раффаэле Каттанео ўз чиқишида тил одамлар ўртасидаги муносабатларни шакллантириш, мулоқотни ривожлантириш ва жамиятдаги ҳамжиҳатликни мустаҳкамлашнинг энг муҳим воситаларидан бири эканини таъкидлади. У сўзларнинг асл маъносини қайта тиклаш ҳамда ҳурмат,  масъулият ва ҳамкорликка асосланган мулоқот маданиятини ривожлантириш зарурлигини қайд этди. Бу жамоатчилик орасида ва ижтимоий тармоқларда тажовузкор риторика, нафрат тили ва зиддиятлар авж олаётган бир шароитда айниқса муҳим аҳамияга эга.

Набил Бугареч, «АЛЛАТРА» Глобал тадқиқот маркази вакили, ўз чиқишида марказ томонидан эълон қилинган «Нанопластик. Инсон саломатлиги, экотизимлар ва атроф-муҳит учун хавфларнинг тизимли таҳлили» ҳисоботини тақдим этди.

Суратда: Набил Бугареч — «АЛЛАТРА» Глобал тадқиқот маркази вакили

Тақдимот давомида у микро- ва нанопластик билан боғлиқ хавфлар бўйича илмий маълумотларнинг комплекс таҳлили натижаларини келтирди. Унинг таъкидлашича, бу муаммо кўп қиррали: у фақат атроф-муҳит ҳолатигагина эмас, инсон саломатлигига, биохилма-хиллик ва экотизимлар барқарорлигига ҳам таъсир қилади.

Маърузада айниқса илмий жамоатчилик, давлат тузилмалари ва фуқаролик жамияти саъй-ҳаракатларини бирлаштириш зарурлигига эътибор қаратилди. Бу хабардорликни ошириш, халқаро ҳамкорликни мустаҳкамлаш, шунингдек атроф-муҳитни асраш ва келажак авлодлар фаровонлигини таъминлашга қаратилган самарали ҳамкорлик механизмларини яратиш учун зарур.

Суратда: Италиядаги «АЛЛАТРА» халқаро ташкилоти вакиллари, Palazzo Lombardia, Милан

Тадбир доирасида «АЛЛАТРА Италия» медиа жамоаси тадбирнинг бир қатор иштирокчилари ва ҳурматли меҳмонлари билан интервьюлар ҳам ўтказди. Улар орасида: Бьяджо Маймоне, Мария Маймоне, Марчелло Гуадалупи, Стефано Масулло, Эктор Вильянуэва, Анна Мария Фолькини Стабиле, Патриция Адамо.

Суратда: Бьяджо Маймоне — китоб муаллифи, Fondazione Bambino Gesù del Cairo жамғармасининг коммуникациялар бўйича директори; Анна Мария Фолькини Стабиле (Anna Maria Folchini Stabile) — нашриётчи, TraccePerLaMeta маданий уюшмаси ва TraccePerLaMeta Edizioni нашриёти президенти; Марчелло Гуадалупи — Милан тижоратчилари жамғармаси президенти; Анжелика Москаленко — «АЛЛАТРА» халқаро ташкилоти вакили

Суратда чапдан ўнгга: Мария Маймоне — коммуникация файласуфи, ёзувчи; Патриция Адамо — Rumba TV; Стефано Масулло — Швейцариядаги ISFOA Олий ижтимоий фанлар ва менежмент мактабининг Муҳтарам ректори; Эктор Вильянуэва — «Халқлар, маданиятлар ва ҳамжиҳатлик кўргазмаси» (EXPO dei Popoli, delle Culture e della Solidarietà) лойиҳасининг бош директори ва асосчиси, «Милан — бу биз» (Milano Siamo Noi) лойиҳасининг яратувчиси ва ташаббускори, Европа федерацияси (Federazione Eurandina) вице-президенти; Анжелика Москаленко — «АЛЛАТРА» халқаро ташкилоти вакили

Учрашув якунларига кўра, иштирокчилар замонавий долзарб масалаларни ҳал этишга қаратилган конструктив мулоқотни ривожлантириш ва биргаликдаги ташаббусларни амалга ошириш учун фан, давлат институтлари, халқаро ташкилотлар ва фуқаролик жамияти вакиллари саъй-ҳаракатларини бирлаштириш муҳимлигини таъкидладилар.

«АЛЛАТРА» ҳақида

«АЛЛАТРА» — АҚШда тадқиқот марказига эга бўлган («АЛЛАТРА» Глобал тадқиқот маркази) халқаро ташкилот бўлиб, иқлим ва экологик ўзгаришларни комплекс таҳлил қилиш, микро- ва нанопластик таъсирини ўрганиш, шунингдек, маданиятлараро ҳамкорликни ривожлантириш ҳамда инсоннинг асосий ҳуқуқ ва эркинликларини ҳимоя қилиш билан шуғулланади.

Атроф-муҳит ва барча тирик мавжудотларни асраб-авайлаш йўлидаги фидокорона фаолиятининг эътирофи сифатида 2024 йилда «АЛЛАТРА» Рим Папаси Франциск Ҳазратларининг Ҳаворийлик фотиҳасига сазовор бўлди. 2025 йилда эса Рим Папаси Лев XIV Ҳазратлари ҳам «АЛЛАТРА» президенти ва унинг барча кўнгиллиларига Ҳаворийлик фотиҳасини инъом этди.

ОАВ учун боғланиш: [email protected]