"ALLATRA İtaliya" heyəti Romanın ev sahibliyi etdiyi sirkulyar iqtisadiyyat üzrə 8-ci Milli Konfransda iştirak edib

Milli Mərkəzi Kitabxana Sirkulyar İqtisadiyyat üzrə 8-ci Milli Konfrans, Roma, İtaliya 

Sirkulyar iqtisadiyyat üzrə 8-ci Milli Konfrans İtaliyanın davamlı inkişaf sahəsində ən nüfuzlu illik tədbirlərindən biri hesab olunur və bu il sözügedən konfransa Romanın Milli Mərkəzi Kitabxanası ev sahibliyi edib. Toplantı Ətraf Mühit və Enerji Təhlükəsizliyi Nazirliyi ilə yanaşı, Müəssisələr və "Made in Italy" Nazirliyinin dəstəyi sayəsində, "Circular Economy Network" və ENEA-nın tərəfdaşlığı çərçivəsində ərsəyə gəlib.

Milli Mərkəzi Kitabxana, Sirkulyar İqtisadiyyat üzrə 8-ci Milli Konfrans, Roma, İtaliya

Konfrans sirkulyar iqtisadiyyatın İtaliya və Avropa miqyasında hazırkı statusunu və gələcək perspektivlərini qiymətləndirmək məqsədilə elmi dairələrin, institutların, sahəvi qurumların təmsilçilərini və davamlı inkişaf üzrə ekspertləri bir araya toplayıb. Bu iqtisadi model resursların rasional idarə olunmasını, tullantıların minimum səviyyəyə endirilməsini və materialların regenerasiyası (bərpası) və təkrar istifadəsi vasitəsilə məhsulların xidmət müddətinin uzadılmasını hədəfləyir.

Diskusiyaların əsas diqqət mərkəzini sənaye sahələrinin transformasiyası, resurs təhlükəsizliyinin təmin olunması və materialların təkrar istifadəsi üzrə innovativ modellərin tətbiqi ilə bağlı məsələlər təşkil edib. Konfransda İtaliyanın 2026-cı il üçün 8-ci Sirkulyar İqtisadiyyat Hesabatı təqdim edildi və sənayenin modernləşdirilməsi üçün əsas vektorlar müəyyən edildi.

Gələcək Avropa Sirkulyar İqtisadiyyat Aktının (Circular Economy Act) formalaşdırılmasında iştirak, kritik əhəmiyyətli xammalın təkrar emalı texnologiyalarının inkişafı, habelə çirkab sularının təmizlənməsinə və onlardan ikinci dərəcəli resursların və enerjinin əldə edilməsinə yönəlmiş "suyun yaşıl iqtisadiyyatı" sahəsində həllərin tətbiqi də daxil olmaqla, yaxın illər üçün strateji vəzifələrə xüsusi diqqət yetirilmişdir. Həmçinin istehsalat zəncirlərinin səmərəliliyinin artırılması, ilkin xammaldan asılılığın azaldılması və qlobal dəyişikliklər şəraitində İtaliya sənayesinin rəqabət qabiliyyətinin gücləndirilməsi məsələləri müzakirə olunmuşdur.

Tədbirdə həmçinin «ALLATRA İtaliya» nümayəndələri də iştirak edərək konfransın əsas məruzəçiləri — o cümlədən Davamlı İnkişaf Fondunun sədri Edo Ronki (Edo Ronchi), “Legambiente” ekoloji assosiasiyasının baş direktoru Corco Zampetti (Giorgio Zampetti), eləcə də ISPRA Ekoloji Tədqiqatlar İnstitutunun prezidenti Mariya Alessandra Qallone (Maria Alessandra Gallone) ilə silsilə müsahibələr keçirmişlər.

Fotoda sağdan sola: Edo Ronki — Davamlı İnkişaf Fondunun prezidenti; Corco Zampetti — “Legambiente”nin baş direktoru; Mariya Alessandra Qallone — ISPRA Ətraf Mühitin Mühafizəsi və Ekoloji Tədqiqatlar Ali İnstitutunun prezidenti. Müsahibəçi — Tatyana Şukova (Tetiana Shchukova), «ALLATRA İtaliya»nın üzvü.

Müsahibə əsnasında sirkulyar iqtisadiyyata keçidin əsas məsələlərinə, müasir ekoloji və elmi müzakirələrdə mikroplastik və nanoplastiklərin roluna, onların davamlı inkişaf siyasətində nəzərə alınma dərəcəsinə, eləcə də bu mövzuların mövcud iqtisadi və ekoloji modellərə inteqrasiya edilməsi zərurətinə toxunulmuşdur. Həmçinin, elmi icma ilə cəmiyyətin qarşılıqlı əlaqəsi, ekoloji şəffaflığın və məlumatlılığın artırılması, ekoloji gündəliyin formalaşmasında vətəndaş cəmiyyətinin rolu, davamlı gələcəyin təmin edilməsi və gələcək nəsillərin mühafizəsi üçün zəruri tədbirlər müzakirə edilmişdir.

Öz növbəsində, ISPRA-nın prezidenti Mariya Alessandra Qallone vurğulamışdır ki, hazırda mikroplastik problemi ən aktual ekoloji məsələlərdən biridir və həm elmi icma, həm dövlət institutları, həm də cəmiyyət tərəfindən yüksək diqqət tələb edir.

Romada keçirilən konfrans resurs təhlükəsizliyi, innovasiyalar və davamlı inkişaf məsələləri ilə bağlı sənaye və ekoloji transformasiya istiqaməti kimi sirkulyar iqtisadiyyatın strateji əhəmiyyətini bir daha təsdiq etmişdir.

ALLATRA haqqında

«ALLATRA» — Amerika Birləşmiş Ştatlarında tədqiqat mərkəzi olan («ALLATRA» Qlobal Tədqiqat Mərkəzi), iqlim və ekoloji dəyişikliklərin kompleks təhlili, mikro və nanoplastiklərin təsirinin öyrənilməsi, həmçinin mədəniyyətlərarası əməkdaşlığın təşviqi və fundamental insan hüquq və azadlıqlarının mühafizəsi ilə məşğul olan beynəlxalq vətəndaş platformasıdır.

Ətraf mühitin və bütün yaradılanların mühafizəsi işinə sadiqliyin etirafı olaraq, «ALLATRA» 2024-cü ildə Zati-müqəddəsləri Papa Fransiskin apostol xeyir-duasına layiq görülmüşdür. 2025-ci ildə Zati-müqəddəsləri Papa Lev XIV də «ALLATRA»nın prezidentinə və onun bütün könüllülərinə apostol xeyir-duası əta etmişdir.

KİV üçün əlaqə ünvanı: [email protected]