“ALLATRA İsrail” komandası Beynəlxalq Sosial İşçi Gününə həsr olunmuş konfransda iştirak edib

2 April 2025
“ALLATRA İsrail” komandası Beynəlxalq Sosial İşçi Gününə həsr olunmuş konfransda iştirak edib

Beynəlxalq Sosial İşçi Gününə həsr olunmuş konfransda “ALLATRA İsrail” nümayəndələri, İsrail

Qüds, Knesset — 18 mart tarixində “ALLATRA İsrail” komandası Beynəlxalq Sosial İşçi Gününə həsr olunmuş rəsmi konfransda iştirak edib. Tədbir İsrailin Rifah və Sosial Təminat Nazirliyi tərəfindən təşkil olunub və İsrail parlamenti olan Knesset binasında baş tutub.

Mərasimdə bir çox hörmətli qonaqlar, o cümlədən aşağıdakı şəxslər iştirak ediblər:

  •  Cənab Yaakov Margi – İsrailin rifah və sosial müdafiə naziri;
  •  Xanım Mihael Valdiger – Knesset deputatı;
  •  Cənab Inon Aaroni – İsrailin Rifah və Sosial Müdafiə Nazirliyinin baş direktoru.

Konfransın əsas mövzusu milli dayanıqlığın qurulmasında sosial işçilərin rolu idi.

Tədbir çərçivəsində Olimpiya oyunlarının mükafatçısı və cüdo üzrə məşqçi cənab Oren Smadja ilə “Uğursuzluqdan uğura — bu, reallıqda necə baş verir” mövzusunda ilhamverici söhbət baş tutub. O, çətinliklərin öhdəsindən gəlmək və nailiyyətlər qazanmaq barədə şəxsi təcrübəsini bölüşərək hər bir uğursuzluğun uğura aparan yolun bir hissəsi olduğunu vurğulayıb. 

“ALLATRA İsrail” nümayəndələri; Ronit Sapir, ictimaiyyətin məlumatlandırılması istiqamətinin rəhbəri; Anat Raz, xarici əlaqələr və ictimaiyyətlə əlaqələr üzrə ali şöbənin rəhbəri Beynəlxalq Sosial İşçi Gününə həsr olunmuş konfransda, İsrail

“ALLATRA İsrail” nümayəndələri konfrans iştirakçıları ilə aktual ictimai çağırışları, o cümlədən təbii fəlakətlərin artması ilə sosial həssaslığın güclənməsi arasındakı qarşılıqlı əlaqəni, həmçinin sosial iş sahəsində beynəlxalq əməkdaşlığın və təcrübə mübadiləsinin zəruriliyini müzakirə ediblər.

Konfrans iştirakçıları qeyd ediblər ki, “ALLATRA İsrail”in bu mühüm tədbirdə iştirakı sosial işçilərin təbii fəlakətlərin insan həyatına təsiri barədə məlumatlılığını əhəmiyyətli dərəcədə artırıb. Bu isə, öz növbəsində, ətraf mühitin mühafizəsi məsələlərinin sosial sahəyə daxil edilməsinə, habelə sosial və ekoloji problemlərin həllinə kompleks yanaşmanın inkişafına töhfə verir.

«ALLATRA» haqqında

«ALLATRA» — tədqiqat mərkəzi ABŞ-da («ALLATRA» Qlobal Tədqiqat Mərkəzi) yerləşən, iqlim və ekoloji dəyişikliklərin kompleks təhlili, mikro və nanoplastiklərin təsirinin öyrənilməsi, eləcə də mədəniyyətlərarası əməkdaşlığa, insanın əsas azadlıq və hüquqlarının qorunmasına dəstək göstərilməsi ilə məşğul olan beynəlxalq təşkilatdır. 

Ətraf mühitin və bütün yaradılışın qorunması işinə sadiqliyinin tanınması əlaməti olaraq, 2024-cü ildə «ALLATRA» Zati-müqəddəsləri Roma Papası Fransiskin apostol xeyir-duasına layiq görülmüşdür.

KİV üçün əlaqə ünvanı: [email protected]