Doktor Silviya Erl «ALLATRA» Beynəlxalq Platforması tərəfindən “Bəşəriyyət qarşısında xidmətlərinə görə” medalına layiq görülmüşdür

«ALLATRA» tərəfindən doktor Erlə “Bəşəriyyət qarşısında xidmətlərinə görə” medalının təqdim olunmasından sonra Olga Şmidt və Silviya Erl 

Alameda, Kaliforniya — 8 may 2026-cı il — «ALLATRA» nümayəndələri dünyaca məşhur okeanoqraf, doktor Silviya Erlə onun bütün ömrü boyu okean və dənizlərin tədqiqinə, eləcə də Yerin dəniz ekosistemlərinin mühafizəsinə verdiyi görkəmli töhfələrin təqdir olunmasının rəmzi olaraq, “Bəşəriyyət qarşısında xidmətlərinə görə” medalını qürurla təqdim etmişlər.

Doktor Silviya Erl «ALLATRA»ya “Okean kəşflərinin ən möhtəşəm dövrü” mövzusunda müsahibə verir

Doktor Erl dəniz elmləri sahəsində dünyanın ən nüfuzlu alimlərindən biri, “National Geographic Society” təşkilatının rezident-tədqiqatçısı və görkəmli okean müdafiəçisidir. O, çoxillik karyerası ərzində inqilabi dərin dəniz ekspedisiyalarına rəhbərlik etmiş, okeanın qlobal miqyasda dərk olunmasının genişlənməsinə töhfə vermiş, həmçinin özünün elmi liderliyi və planetimizdə dəniz aləminin mühafizəsinə sarsılmaz sadiqliyi ilə bütöv nəsillərə ilham vermişdir. 

Medal, doktor Erlin bəşəriyyətə çoxillik xidmətinin, həmçinin ətraf mühitin mühafizəsi və elmi tədqiqatların inkişafına verdiyi böyük töhfələrin etirafı olaraq, Kaliforniya ştatının Alameda şəhərində keçirilən xüsusi görüşdə təqdim olunmuşdur.

“Bəşəriyyət qarşısında xidmətlərinə görə” medalı fəaliyyəti ilə bəşəriyyətin və planetin inkişafına, mühafizəsinə və həyat şəraitinin yaxşılaşdırılmasına müstəsna töhfə vermiş şəxslərə təqdim olunur. Onilliklər boyu apardığı elmi tədqiqatlar, maarifləndirmə fəaliyyəti və fəal ictimai mövqeyi sayəsində doktor Erl dəniz elmləri və okeanların mühafizəsi tarixində ən nüfuzlu simalardan birinə çevrilmişdir.  

“ALLATRA” adından və bir çox ölkədən olan insanları birləşdirən beynəlxalq icmamız adından, doktor Silviya Erlə okean və dənizlərin tədqiqinə, eləcə də Yer kürəsində dəniz aləminin mühafizəsinə verdiyi tarixi töhfənin etirafı olaraq “Bəşəriyyət qarşısında xidmətlərinə görə” medalını təqdim etmək mənim üçün böyük şərəfdir”, — deyə «ALLATRA» Qlobal Tədqiqat Mərkəzinin nümayəndəsi Olga Şmidt bildirmişdir. 

Olga Şmidt, doktor Silviya Erl və Liz Teylor «ALLATRA» tərəfindən “Okean kəşflərinin ən möhtəşəm dövrü” mövzusunda təşkil olunmuş müsahibə zamanı

Görüş çərçivəsində «ALLATRA» nümayəndələri doktor Erl və onun qızı Liz Teylor — “DOER Marine” şirkətinin prezidenti və dərin dəniz tədqiqatları texnologiyaları sahəsində aparıcı mütəxəssislərdən biri ilə də eksklüziv müsahibə keçirmişlər.

Bu dolğun söhbət əsnasında bəşəriyyətin bu gün qarşısında duran  ən aktual problemlərdən bəzilərinə — ocümlədən sənaye balıqçılığı, plastik və mikroplastik çirklənməsi, dərin dəniz faydalı qazıntılarının hasilatı, okeanın turşulaşması, biomüxtəlifliyin itirilməsi, eləcə də elmi biliklərin cəmiyyətin maarifləndirilməsi və real fəaliyyətə transformasiya edilməsi zərurətinə toxunulmuşdur. Bundan əlavə, “Mission Blue”, “Hope Spots” təşkilatlarının və “DOER Marine” şirkətinin fəaliyyətinə, eləcə də bəşəriyyətin dəniz aləmini daha yaxşı anlamasına və mühafizə etməsinə kömək edən ən yeni okean texnologiyalarına diqqət yetirilmişdir. 

Doktor Erlin görkəmli nailiyyətləri sırasına dəniz tədqiqatlarında liderlik, qlobal miqyasda okean haqqında bilik səviyyəsinin yüksəldilməsi, dəniz qoruqlarının dəstəklənməsi və artan ekoloji problemlər qarşısında kövrək dəniz ekosistemlərinin mühafizəsi zərurətinin davamlı olaraq müdafiə edilməsi daxildir. 

ALLATRA haqqında

«ALLATRA» — Amerika Birləşmiş Ştatlarında tədqiqat mərkəzi olan («ALLATRA» Qlobal Tədqiqat Mərkəzi), iqlim və ekoloji dəyişikliklərin kompleks təhlili, mikro və nanoplastiklərin təsirinin öyrənilməsi, həmçinin mədəniyyətlərarası əməkdaşlığın təşviqi və fundamental insan hüquq və azadlıqlarının mühafizəsi ilə məşğul olan beynəlxalq vətəndaş platformasıdır.

Ətraf mühitin və bütün yaradılanların mühafizəsi işinə sadiqliyin etirafı olaraq, «ALLATRA» 2024-cü ildə Zati-müqəddəsləri Papa Fransiskin apostol xeyir-duasına layiq görülmüşdür. 2025-ci ildə Zati-müqəddəsləri Papa Lev XIV də «ALLATRA»nın prezidentinə və onun bütün könüllülərinə apostol xeyir-duası əta etmişdir. 

Tədbir “Associated Press, The National Law Review, FOX 40, NBC 24, NBC 28, CBS 8, FOX 4, DC News Now, ABC 28” və digər kütləvi informasiya vasitələri tərəfindən işıqlandırılmışdır.

KİV üçün əlaqə ünvanı: [email protected]